المشاركة الأصلية كتبت بواسطة مضحي بن جمران
الـــبـــال لازادت هــمــومــك ازعـــاجـــه=ومــن كــل صــوبٍ قــام هـمـك يـديــره
احـــرف ركـابــك يـــم فـزعـتــك نــاجــه=ودربٍ تـيـامــن فــيــه سـتـيــن خــيـــره
وعـن مجلـس بــه ثايـريـن اللجـاجـه=خـلـك حشـيـم وعـنـه رجـلــك قـصـيـره
خـــذراك مـــن هـــرجٍ بـكـثـره سـمـاجــه=ان مــانــقــص راعـــيـــه زاده مــعــيــره
لالجـلـجـو بـــه مـثــل لــجــة حــراجــه=الــشــلــه الـــــــي دايـــــــمٍ مـسـتـطــيــره
الـواعــي الـمـمـرور يــعــرف خــراجــه=ولاهــــو بـحـاجــة واحـــــدٍ يـسـتـشـيـره
مـحـلاك يـالـلـي نـــازح الـبـعـد بـاجــه=بكس الجموس اللي نجح به خبيـره
لاعطـيـت بـــه جـــوٍ يـزيــدك بـهـاجـه=والـشـوف يطـلـق فالوسيـعـه نـضـيـره
الــلــي بــــه الــجــوال يـفـقــد ابــراجـــه=عــن مـركـز الارســال غـايـب سفـيـره
هــذي طــرات العـمـر ســـاع نـتـواجـه=عـلـى الـوعـد مـــع الـوجـيـه السـفـيـره
والمـنـهـج الـلــي مـانـحـب انـتـهـاجـه=ولا تـــــقـــــره فــالــجـــزيـــره عـــشـــيــــره
ان الـخـطـا يـصـيـر سـهــل انــدراجــه=مــــــدام فـــالاجـــواد نـــخــــوه وغـــيــــره
والـلـي عـلـى الفـتـنـه يـولــع سـراجــه=مـابـاقــي لــــه غــيــر هــــذي ذخــيـــره
لايـكـمــل الـوجـعــان بــاقــي عــلاجــه=إلـيــا صــحــا نــــادا عـلـيـنـا الـمـغـيـره
لو هو على العدوان صب احتجاجه=ويـمــثــل انــــــه لـلـكــســور الـجـبــيــره
اليـا انهزمـنـا قــام يضـحـك حجـاجـه=عـيــده لـيــا نـاظــر علـيـنـا الـكـسـيـره
والـلــي تـهــاون مـنـقــرك يـالـدجـاجـه=الله واعــلــم ويــــش تــالــي مـصــيــره
الــمـــي مــاســـاوا قـــراحـــه هــمــاجــه=الـمــســك مــايــوجــد بــنــفــاخ كـــيـــره
للـعـسـر يـســر ولـلـصـبـاح انـبـلاجــه=ولاهـــان راعــــي حــــق والله نـصـيــره
ويامـن لــك الارقــاب فيـهـا انعـواجـه=ولا يـرخـصـك رجـــال عـنــده بـصـيــره
عـلـيــك كــــم قــلــبٍ تــزايــد اخــلاجــه=ولا احـــدٍ يـلـومـه فالـهـنـوف الامـيــره
فـــي حـبـهـا مــاهــو مـحـكــم مــزاجــه=صــــادق وحــكــم فـالـمــوده ضـمــيــره
يافخـر مـن صـرتـي وسـامـه وتـاجـه=صقـر العـروبـه ابــن صـقـر الجـزيـره
لاصـار فالاجـواء عواصـف عجـاجـه=يبقـى ذراء اللـي جـاه مـن كــل ديــره
لاغـبـت ثــم عــودت ماجـبـت حـاجـه=هـــــذي بـحــقــي يـالـنـشـامــا كــبــيــره
الله يجمل حالك وبيض الله وجهك قصيدة رائعه
يابو جمران انت كفو كفو مليار ونعم
تقبل خالص تحياتي واعجابي قصائدك
كلها ممتازة