المشاركة الأصلية كتبت بواسطة صقر المراقيب

عندي طلب بطلبك ياطير شيهان=ياسايح ٍ بالجو عارف حواله
خذ هالرساله دام نور الضحى بان=شمالك الشرقي توجه عجاله
مخبور بالخفجي لنا خير صدقان=رجل ٍ يزيد المد للي وفاله
اللي ورث عادات للجود واحسان=من شايب ٍ مبداه نهج العداله
مامات من خلّف مثل صار عنوان=للي معقّب في عياله رجاله
ياطير مقصودي على ذيب سرحان=له فزعة ٍ يشهد بها من شكاله
مضحي ولد جمران مرحوم جمران=والنعم في مضحي ونعم بخواله
كسابة النوماس في كل ميدان=بني عمر قوم الوفا والجماله
ياطير لامنك تلاقيت ذيبان=قبّل حجاجه قبل مد الرساله
مكتوب له فيها عن الحال تبيان=من عندنا يبداه لفظ الجلاله
مشروح به في قول موجز ومليان=علم ٍ يبيّن صاحبه كيف حاله
الاوله حالي بها زود نقصان=كنه قصدني سحر صاحب دجاله
اللي يعينونه على فعله الجان=راع العقد والنفث لا طاب فاله
وانكان عاش الوقت في خير وامان=يوم القيامه يبتلش في غلاله
والثانيه بالود ماني بنسيان=الصاحب اللي مالقينا بداله
غرو ٍ وعدني بالصفى صار خوّان=واليوم يعزمني حضور احتفاله
والثالثه موقف يخليك حيران=لنّك تضنه علم فيه استحاله
وشلون صدقاني يصيرون عدوان=وما صابهم مني قصور وجهاله
ودامي كتبت الخط للرد شفقان=عجّل ترى صاحبك صعب احتماله
وصلي على نور الهدايه والايمان =اعداد سوّاح البشر في صلاله