(تركي عبـدالله البشـري)=
سلام غالي وشانه شــان =يا طيب الفعـل والذكـرا
وعسا البقا قلتها ذلوان = بعدين تفهم وش الفكرا
(بخيـتـان الـبـشـري) =
ترحيب فيه الوفا عنـوان = يرفع لكم فالمـلا جهـرا
دام اللقـا والموافـى زان = ياحرف طيبه شذا عطـرا
(تركي عبـدالله البشـري) =
ماشفت أوفى من الأحزان = وأفراحنا أصبحت ذكرى
كأنها تقول يـا بخيتـان = لن تستطيع معي صبـرا
(بخيـتـان الـبـشـري) =
رذاذها جاك والهتان=لا غاب صبحي لفى عصرا
ومن مدها نال كل إنسان = ولابد بعد العسر يسرا
(تركي عبـدالله البشـري)=
مما بنا كلت الأبدان = وحطت لنا فالحشا جمرا
بأنفذ النصح بالإتقان= ياخال و أفداك بالعمرا
(بخيـتـان الـبـشـري) =
والآن هاك الخبـر و الآن = يظهر لك الحزن فالنبـرا
قلبي عدو عاش بي ازمان = لاقيت فمعايشـه عُـزرا
(تركي عبـدالله البشـري)=
عجل أنا مصغي الآذان = وكلاتنا فاهـم الشفـرا
ماني فما تنسجه حيران = اقراه خطك بـلا حبـرا
(بخيـتـان الـبـشـري) =
خالك ياتركي بقايا إنسان = عايش مع اليأس في ذعرا
ذاتي معي يشتكي شرهان = ماخطيت لو اطلبه عُذرا
(تركي عبـدالله البشـري)=
أُخذ الأمل والعزم و إيمان = ثلاث لليأس فـي نحـرا
ويصبح ربيع الفؤاد جنان = ينسيك ماشفت من قهرا
(بخيـتـان الـبـشـري) =
بختم مثل بادعـه ربـان=طال السهر باغي المسرا
لك مفردة تسلب الأذهـان=يُطرب لها لاقـي النظـرا
دنيا وعابر بها الإنسـان=ونقـول يالله فالسـتـرا
إصبر وبصبر على ما كان=والله لـه كامـل الأمـرا