صقر المراقيب=
حذرك بدرب الغرام تهيم=لو كان غرك مزايينـه
لن الهوى يشبه التنجيم=ياقو سطوة شياطينـه
خالداللهيبي =
لاتحطني بين سين وجيم=واللي بري كيف بتدينه
خله على ربعنا تعميـم=ذا درب ياكثر معطينـه
صقر المراقيب=
الظلم موثم وبه تحريم=بكتاب ربي وقارينـه
وبالود لو يكثر التكتيم=لابد تظهر عناوينـه
خالداللهيبي =
انـا مخالفـك فالترقـيـم=والظلـم مابينـي وبينـه
ولو كنت وسط الغرام مقيم=باخفي شروحـه وتبيينـه
صقر المراقيب =
ظلمت روحك وذا توثيم=وسلمت قلبك مودينه
تسهر ليالي بسبة ريم=عن عينك الناس مخفينه
خالداللهيبي =
برضك مصمم معي تصميم = بتحطني من سلاطينه
ونا معك بارفض التسليم = واكشف عن العلم في حينه