السريحي=
مالي احد غيرك اشكيلـه=لجلك على القيل سلطانـي
سـلام واشعلـت قنديلـه=ياصلك صافـي بألحانـي
قلبي من الامس ماضيلـه=جروح مايـوم تجفانـي
كان الصفا دوم يرسيلـه=اللي مـن الـود مليانـي
ذاب الرشا وطاح زنبيلـه=واصبح لنا القلب عطشاني
قلت اصبر اليوم واسعيله=زوّد على القلب احزانـي
والطـب مافـاد تحليلـه=للي من الجرح سقمانـي
ياصاح وضعي لك نحيلـه=عطني افـاده وبرهانـي
بخيتان=
لك ربي يامن بدأ قيله = بعلوم مدخل لشيطاني
ترحيب رسمه وتشكيله = لوحة بها عذب الأشجاني
القلب وش هي محاصيله = اللي بها أصبحت خسراني
ابحث عن أسباب تأويله= واعرف خفى شي ماباني
يمكن دليله وتدليله = تلقاه واضح للأعياني
وإن كان لازال في ميله= لاتذكر اليأس وتعاني
كيل الوفا زيد في كيله = وبادله طيب واحساني
وإن شفت مافاد تعديله = لمفارقه إنت كسباني