انا ياخالد ساكـن بديـرة اجنـاب =وياطاب حربي في جميله غمرنـي
افرح بذكره واتنومـس الياطـاب =واليا تردى يابو موسـى كسرنـي
وانته من الي يستحقون الاعجـاب =شاعر جزل في نظم شعره بهرني
وانحك عود بعود لي سيف بنصاب =اضرب بحدك كل جاهل حقرنـي
ومن دون قاصر بالنشاما و (ثلاب) =اشوف فيك الي برمحه نصرنـي
ويشهد علي الله مـا نـي بكـذاب =الصدق طبعي والرجال تخبرنـي

غشام ياغشام ياريف الاقراب = لضد ضد وللقريبين مرني
دخلت لو أنه على قطع الارقاب = بديار قومٍ لاغفلت اتغدرني
ياكيف عند اقراب وانساب واصحاب = اجواد لاناديتها ماتخصرني
مزينه اللي تارد الموت متهاب = لاشبة الفتنه على راس قرني
دفانت الركبه مهدين الاصعاب = افعالهم من كثرها ماتحضرني
في مدح أبو موسى حشى منت كذاب = شهادةٍ تطلع بنا متحدرني
تسلم ويسلم ياعريبين الانساب = الله على عد الحقايق ومرني
تم الكلام وكل شياً له اسباب = وأنا اليا سريتها متعسرني