لان هذا المكان هو ملتقى شعراء حرب
فقد احببت ان ازف اليكم بشرى
وهي انه .....
سيصدر بمشيئة الله تعالى خلال الاسبوعين القادمين
ديوان الشاعر / عبد العزيز بن حمود ابالعون
الموسوم بـــ
ديوان شاعر الجار
يضم الديوان اغلب القصائد التي قالها الشاعر
خلال عقود مضت ... حتى آخر ماجادت به قريحته
اي ان هذا الديوان يمثل تجربة الشاعر الشخصيه
التي عاشها شعرأَ في مراحل عمره
المختلفه
الديوان يخلو من قصائد الغزل
واغلب القصائد فيه اجتماعيه تحث على مكارم الاخلاق وتتحدث عن
حقوق الجار والخوي.. وتمجد القبيله ورجالها
نتمنى لهذا الاصدار النجاح
ولابو خالد طولة العمر والصحه والعافيه
!
!
!
!
من اخر قصائد الشاعر عبد العزيز ابالعون التي ضمها الديوان
ي
يا خالق الكون يا محصـي مخاليقـه= تفـرج لقلبـاً عليـه الهـم متيـادي
يا خذنـي الهـم تغريبـه وتشريقـه = مالي جدى غير محـداري ومسنـادي
أدلة القلـب عـن همـه وتشويقـه= ما غير أسولف على روحي وأنا غادي
والدمع بالعيـن ماتقضـي غواريقـه= شيء يغيض الصديق ويفرح أضـدادي
خطراً على الثوب لوجاملـت تمزيقـه= بس أتجلـد علـى نفسـي تجـلادي
وقلبي اللـي تجـذب مـن معاليقـه=وليا عذلتـه يزيـد خـلاج وعنـادي
يكفـخ كمـا اللـى يتلنـه مسابيقـه =شاف الصقاقير هدوامن وراء الـوادي
قبل أمس مربوط واليومه على ريقـه= يشو فهن شوف عين وحده الحـادي
ضاري على طشت الخـارم وتشليقـه= ليا ضرب ضربةً في مخلبـه جـادي
يفعل وراحـت حماريـه وصعافيقـه = عقب الشواهيق مربوطاً على شـدادي
صبرت صبره وباقي الصبـر ماطيقـه=والكبد صامت عن المطعوم والـزادي
ونويت أعلق على الموضوع تعليقـه=أظـن منهـا يقـر القلـب بفـؤادي
أظـن قلـب العنـا يتـرك طواريقـه = يضرب طريق السلامـه والله الهـادي
مالي مـع الحـيّ يانيـاف عشيقـه = ياعنك ماهمنـي مزبـور الأنهـادي
الجـادل اللـى جديـداتٍ عشاريقـه= اللي نسمها يشـادي ريحـه الكـادي
يوم أتمثل تـوال الليـل مـن ضيقـه = ضاقت على الوسيعه يابن الأجـوادي
مـن سبـة اللـى قليـلاتٍ توافيقـه =زود عليـه وأنـا قـدام مـازتـادي
ليا خذت بالليل سوهاجـه وتطريقـه= أفزفـزة قريصـاً جــاه طــرادي
تقـل أتخيـل وراء البيبـان تصفيقـه= ماله جدى غير عض النـاب وينـادي
ماينفعه عنـد أبـو عـرام تشهيقـه = والظاهر أنه سبايـب حظـه الـرادي
جربـوع مسعـود لوتكثـر مناطيقـه= لابـد يامنيـف ماياقـع وينـصـادي
ماننفعـه عنـد خلانـه خثاريـقـه=راحت علوم السعه من فـوق بـرادي
والله ماتنـسـي لــذة عداريـقـه = في مجلساً مايجونـه كـل الأفـرادي
خلـه لعلـه ينـط الريـع ويويـقـه = ويشوف ماشافه المجنـون والعـادي
اللي زرع زرع يقطف مـن زماليفـه = يجني محاصيل زرعه كـل حصـادي
ماينفعه عقب طـاح اليـوم تبريقـه= هاذي فعوله بنفسه عمـد وعمـادي
يأخذ جزاء ماذكر من نـص تحقيقـه = يوم أن هرج النصيجه فيـه مافـادي
والله لأبين على الشاشـة خوازيفـه = لوكان تفـرح عليـه كـل حسـادي
خطو الولد ماص ماتلحـق ملاحيقـه = يزيد عن فعل أبوه وفعـل الأجـدادي
وخطو الولد ماتبي شوفـه وتخفيقـه = يوماً حصـل فيـه يانيـاف لاعـادي
لوكان حرمـه يفكـك منـه تطليقـه= طلقته أربـع امـرارً عـد وعـدادي
والله لخلـيـه وقـطـع مواثيـقـه= قطع العلاقـات مـع حكـام بغـدادي
تحياتي لكم ولملتقى حرب