.
.
.
.
.
.

الوطن غالي

لا نشدني صاحبي وشلون حالي =اختصر ردي بقولة ماعليّه
ويعلم الله كن وصط الجوف صالي =وكن نارٍ باالحشا تشتب فيّه
يوم صارت فتنة اصحاب الظلالي =ودي اكتب من قوافي الوصيّه
في سبيل الله نذوق المر حالي =مانذل ولانخاف من المنيّه
الله الرحمن ربي ذو الجلالي =حافظٍ ارواحنا من كل سيّه
من جنوب وشرق وإلا من شمالي =لين حد الغرب مانخشى الاذيّه
نتكل باالله نعم الاتكالي =ربنا المعبود خلاق البريّه
حافظين نفوسنا باول وتالي =باالرخا والا الليالي السرمديّه
اليا انتخينا عزمنا يهد الجبالي =نرتطم باالموت وندق التحيّه
لو صواريخ العدا من كل جالي =و لو تثور الحرب حربٍ عالميّه
عزمنا ثابت على مر الليالي =مانتوانا دام هذي الروح حيّه
لنصرة الاسلام مافيها جدالي =لااحتمى الموقف لنا وقفه قويّه
الوطن يااهل الوطن باالحيل غالي =دونه الارواح لو راحت هديّه
تحت ضول الحرب ناقف مانبالي =باالعتاد وباالبدال العسكريّه
نلتزم باالامر لاصحاب المعالي =ماعصينا من يقودون السريّه
الله اكبر وسط ساحات القتالي =نعتزي به صبح والا باالعشيّه
نحمد الله يوم كيد الشر زالي =والردا عوّد على راعي الرديّه