الاخ الفاضل
سرور البشري
تشرفت بالتحاور معك وأتمنى أن نقف في هذا الحد لأن الموضوع أخذ منحاً آخر
وألتمس منك العذر إن حصل مني مايضايقك أخي القدير
فما قيل هو في نهاية المطاف ( مجاراة شعرية لاأكثر )
لا القصد فيها التجريح أو التقليل بل القصد منها المتعة والتشويق
أرجو منك معذرتي ولك جزيل الشكر ، ، ،
وهذه خلاصة اللحن :
عبدالإله الشريف=
يامدّعين المثل بالصيط=هاتو المعاني نراعيها
مادام أهل العقول تحيط=الجيّدة يفوز راعيها
سرور البشري=
مسلطين النظر تسليط=نسعى معك في مساعيها
لا أفراط عندي ولا تفريط=منك انتظر وأنت داعيها
عبدالإله الشريف=
لاتختلف واتبع التخطيط=حسب السواير وراعيها
وابدى المثل واترك التقسيط=حتى نساير معانيها
سرور البشري=
طالعك يستوجب التمشيط=لايختلف نهج باديها
عندي على حرفكم تنقيط=وحروف الأمثال حاميها
عبدالإله الشريف=
لو كنت شاعر مثل وتخيط=نظم المعاني وتكسيها
ماصرت في خانة التوريط ؟=مالك كفاءة تعديها
سرور البشري=
الي بدى بالمثل مايحيط=وكفاءتي ماعترف فيها
يضرب براسه بجنب الحيط=وتبقى المعاني لاهاليها
عبدالإله الشريف=
أنا بدعت المثل ومحيط=للي ذكرته فعاليها
وانت تماديت فالتمغيط=وأزريت تنجز قوافيها
سرور البشري=
اعطيتك العلم قبل يشيط=حرفك وحاسب لتاليها
لكنك أخطيت فالتفقيط=لين أنحدر سيل واديها
عبدالإله الشريف=
ماشفت بين المعاني خيط=يدلني عن مغازيها
والقيل في غاية التبسيط=وإنت معانيك خافيها
سرور البشري=
بعد انتهت مالها تزبيط=يالي باياديك منهيها
يمشوه القيل بالتعريط=دنيتها ماتجليها
عاد الهجاري الي التهبيط=يوم أرتفع سهم قاريها
الشاعر الجزل له تقليط= والاوله مانت شاريها
عبدالإله الشريف=
راعي المثل يحسن التنبيط=من كل جملة يلاقيها
مايبني القول بالتخبيط=في كل قالة يبديها
ومثلك ترى يفقد التنشيط=ويحتاج دورة يأديها
حتى يُدَرّب على التربيط=بين المعاني وحاويها
سرور البشري=
سفط وتستاهل التسفيط = وجابتك لاعاد تثنيها
حدرتها من جبل فالغيط = الله يعينك تجاريها
روح تخرّط بفن اخريط =ّنبت الحيا في مفاليها
لو مكن الحرف والتوسيط= القوس تعطى لباريها
عبدالإله الشريف=
لو سقتها بالعقل والحيط=وأجريتها في مجاريها
ماكان وصلت لحد الزيط=ولا كان ساءت مباديها
لكن مادامك عمدت الشيط=وأبعدتها عن مراميها
آخر زمار المزامر طيط=وإنت على الطيط غنيها
وياصحابنا سامحونا=