قالو تغيب وقلـت عنـدي ظروفـي=وانا عن اعلوم الرياجيـل ماغيـب
ويالله تجملنـي بـحـزة وقـوفـي=مع الجماعه والخـوي والأجانيـب
وقت الرخا مالي فضـل وامعروفـي=لكن نبيـن ان غثربـن المشاريـب
ناقف مع الطيب مع الذيـب نوفـي=ونمشي معه في عاليـات المراقيـب
ولولا ظروف الوقت والا الصدوفـي=وش يفرق الرديان عن وقفت الذيب
الوقـت علمنـي جميـع الصنوفـي=ولا كل من يرمي على اهدافه يصيب
كم واحدن يخفـي مابيـن الكتوفـي=قلب ن رعاع وساهجـن للمواجيـب
وقت الرخا يضحك تقول امخفوفـي=وليا بغيته يختفـي عنـك ويغيـب
والمال عـز المرخمـه والضعوفـي=وعبيدنا بالأمـس صـارو معازيـب
وكم واحدن تاجر ولاهـو امخلوفـي=لا كاسب ن حسنه ولا فاعلن طيـب
يضيق صـدره لا لفـوه الضيوفـي=ويبخر ابمعمول لو عارضـه شيـب
والاالكريم لـو كـان يملـك ألوفـي=تفنى على المعروف يخشى من العيب
وكم واحدن ناعم شنبـه امحفوفـي=ياحيف يابعض اللحـى والأشانيـب
همـه يبـروز صورتـه بالرفوفـي=وش يفرقه عن البنـات الرعابيـب
يامضيقـن ثوبـك تبيـن الردوفـي=يابن القبيلة عيب الخكرنـه عيـب
ماقلت خلك جلف واخـذ السيوفـي=واغز اليهود ومسهـم بالمشاعيـب
خلك وسط مابين شيعـي وصوفـي=وابعد عن دروبن بها الشك والريـب
وقبل اختم الأبيات واختـم حروفـي=وجهة نظـر لاتحسبوهـا مطاليـب
وصلو على محمد عدد من يطوفـي=ولا كامل الا عالـم السـر والغيـب