ملتقى قبيلة حرب الرسمي - عرض مشاركة واحدة

18-03-10, 07:28 PM


	المشاركة الأصلية كتبت بواسطة سعد المحمدي


	السلام عليكم ورحمة الله وبركاته الشاعر الكبير خالد الحصني تربطني فيه زماله قديمه بكونه كان عسكري بالواء المظلي قبل تقاعده اثر اصابه من القفز كان والايزال صاحب جميل علي من الاصدقاء الاوفياء عسى الله يعينني على رد شي من جمايله السابقه على وهاذي الابيات المتواضعه قليله بحق خالد عسى يعذرني على القصور واطلب منه عدم الرد عليها رد الثناء واجب علينا لراعيه=لو كان بالجوال عبر الرسايل سلام من كل الشوائب منقيه=يحمل زهور الورد لأبن الحمايل رفيقي اللي يرفع الراس طاريه=خوي جنب وفي راعي جمايل خالد عسى عوداً على الطيب رابيه=في جنت الفردوس بعلا نزايل نهار تعرض سيته مع حسانيه= ينجيه من باامره تسير المخايل عون الرفيق اللي زمانه معنيه=محمله من فوق حمله ثقايل خوي جنبه بالخلا مايخليه=عندي على ماقول بيض الدلايل الطيب سوقه باعبه وشترى فيه=عسل رفيق وللمعادي نكايل على الوفى والصدق دايم مباديه= يفداه من عنها يضيع القوايل ثوراً يلقينا مقارن علابيه=ماسد نوب والا عدل حمل مايل ادنات زله مايوفر بناخيه=وعن العدى دايم يذب المسايل الطيب ماكل الخلايق تسويه=دربه سنود والا تجيله بدايل ماقل دل وزبدة الهرج صافيه=ختمت هرجي بالبيوت القلايل

وعليكم السلام ورحمة الله وبركاته

بيض الله وجهك يا بن دومان ويعلم الله لو ادري قبل طرحها لطلبك بحق الرفقه انك ماتطرحها لسبب بسيط انه مابين الاخوان جميل ورد ثناء وزمالة السلاح هي اقوى

واكبر من كل شي ونته نعم الزميل ونعم الرجل وبطل من ابطالنا الذين ذادو عن حدود بلادنا والذي يشرف ذكره انك بطلا حقيقي من خلال الاشتباكات التي حصلت با المعركه وتفاصيل لا يجيزني العرف العسكري ذكرها

كذالك شاعر تملك تمكن با القريحه لا يجيده الا القله شاعر تصل الى ماتريد من اقرب الطرق وتملك الابعاد والحرفنه التي اذهلة الجميع واشاد بها الجميع من شعراء يعرفون نوع العمله ويقدرونها

ابو تركي بيض الله وجهك ولك اجل وازكى التحايا