حفلنا حفل السعادة يا حمامة غردي = بأعذب الالحان غني حفلنا يا مبهره
يالله احفظ مملكتنا من شرور المعتدي = واحفظ بن سعود قايدنا وعزه وانصره
يابو متعب طال عمرك بالسعد ياسيدي = كم ضعيفٍ تنصرونه كم كسيرٍ تجبره
وفعل ابو خالد لاتبين فالنهار الاسودي = الكريم ابن الكريم الحر حرٍ يذخره
وسيدي نايف في حلمه كل ابونا نقتدي = دام عزه اخوان نوره والظلام تنوره
كل ما نطري بنايف كل عاصي يهتدي = لو نريد نعد فعله نبطي ولا نحصره
ودون مكة والمدينة كلنا ما نحتدي = نرخص الارواح فيها والمعادي نحشره
ما حكم مستعمرٍ فيها ولا مر بلدي = شامخة طول الدهر من كل عيب مطهره
كلمةٍ قلتها للانسان قبلي و بعدي = السعودية دولة الاسلام ما يحكمها مره
نعنبو اليمنى الشحيحة نعنبو الحظ الردي = عاشوا جزال العطايا والوجيه المسفره
الضعيف يبان في جال البحر يقعدي = و الشجيع يعوم حتى يجيب الجوهره
وصاة جدنا الاول ووصيها ولدي = الامانه والشجاعه والرجل ما نحقره
وتمت ابيات القصيدة من هاجوس معبدي = شاعرٍ حربي وشعره فاللزوم يسخره
ويا صلاة الله على نور الظلام محمدي = عد همال السحابه والغصون المثمرة