المشاركة الأصلية كتبت بواسطة عبدالله بن شري

بدى ظلام الليل يجتاح بسكات = بعض القلوب المقفره والحزينه
وين النجوم المفرحه ليش ماجات = تجلى عنى قلبي وتطلق سجينه
ماتت عقارب ساعتي بين الاوقات = ضاعت خطاوي رحلتي في يدينه
اصبحت ظامي بعد طول المسافات = بين الفرح بين الصبر والسكينه
اخايل القمرا ولافيه نسمات = الا نسايم حزني الي بحينه
ودي افتش في قبورا للاموات = هل الفرح بقبورهم دافنينه
حزات اقول ان الصبر فيه مناجات = وحزات اقول الله يقطع سنينه
اسمع انينه بين كل المتاهات = وادوره والقاه واقول وينه
صرت الغموض الي يحيط الفراغات = وابغى اجابة خوفي الي ترينه
نزف القلم بصدورنا ليه مامات = لانه يعيش الامس ويا حنينه
حارت هقاوي دنيتي بين عثرات = وطعونها في خافقي مستكينه
جسمي نحل من كثر ماشفت هفوات = ماتت مجاديف الامل والسفينه