ارجـوك لاتطعـن ظهـور المقفـيـن=طعن المقفـي عيـب واكبـر معيـره
ناحر لخصمك وطعن بسيـف رمحيـن=مايلحقـك لومـن ولـو هـي كبيـره
الغـدر ماهـو مـن صفـات الوفيـن=ولا هـو شيـم بطبوعـن و العشيـره
انهض مقامك عـن جلـوس الردييـن=لايغـرك كبـار الهـروج وصفـيـره
ناسن على ما قيـل بالحيـل فاضيـن=لاشافـو الصامـل وسمعـو هـديـره
جربـوع لليـلأ يلحقونـه بـزاريـن=نوبن يصـاد ونـوب يفخـت مسيـره
ومن صاحب الاجرب تراء اعداه بالحين=لـو ينطلـي تبقـى المعالـم حقيـره
السبـت يقفـاه الاحـد ثـم الاثنيـن=وفحص كلامي وسـط مخـك وديـره
ان جازلك هذا مـرادي علـى الزيـن=ومـا قبلتـه مـا جبرتـك و خـيـره
ولاتصب بيتك والقواعـد مـن الطيـن=لازم عليـه مهنـدسـن تستشـيـره