يامشاري اصحى حط كفك بكفـي =ماعـاد تنفعنـا كثـار المشاريـه
احـدا يولعهـا والاخـر يهفـي =واللي يجيب الهرج واللي يوديـه
وشبت بقلبي نـار عيـت تطفـي =والفكر تلعبـه هجوسـه وتكويـه
وقتٍ كثـر ماهـو يبّيـن يخفّـي =انشهـد ان ابـوك متحيـرٍ فيـه
ومن راح عنا يامشـاري مقفـي =خله على وجهه وحذراك ترجيـه
بكره يجيب الحظ غيـره بصفـي =رجل يجي في لازمه قبل ندعيـه
وخلك معي ياتاج راسي وشفـي =واعرف طريق الدين واحفظ مباديه
رجاك بالله عن رجاء الخلق يكفي =وماخاب منهو للولي دوم يرجيـه