المشاركة الأصلية كتبت بواسطة علي الحصني

حيا الله اللي مع الهجعـه يصافحنـي =اللي لريح النفـل مـع طلتـه خنـه
لطـول الهـم والضيقـة يسلحـنـي =قرايـحٍ منهـل النهريـن يـردنـه
غايب ليالي وشـرف قالـى بحنـي =حضرت بعد البطا واللي تبـي فنـه
قلت الله الله عليك والشـوق ذابحنـي =مدري معي جن ولا النـاس منجنـه
أحيان أعصب ولاابغى احدٍ يمازحني =واحيان يطربني اللي يلعـب الشنـه
عادت همومي مع الغبشة تسرحنـي =في قارص البـرد ولا لاهـب الكنـه
وناستي بالطريـق الجايـر المحنـي =كملي وانا مسخـر الاقـدام يمشنـه
ياطالبٍ غايتـي لاهنـت سامحنـي =صاحبك سده قصاوي لو ضحك سنـه
ماني بدرس ٍ على الطلاب تشرحنـي =وتوضح الـدرس بالادغـام والغنـه
لاصرت صادق وواثق لاتصارحنـي =يشهد علي اللـي عيونـي مايشوفنـه
وكان الرجولة ماغير أمدحك وأمدحني =وسوالـفٍ كنهـا القعـدان مستـنـه
أما أطرح الوقت ولا الوقت يطرحني =وصوم اللي صوم لافـرضٍ ولاسنـة
ياصاحبي لايطول الهـرج ريحنـي =أنت آدمـي مامعـك نـارٍ ولاجنـه