هذه القصيده مهداه للاخ داخل عاتق الغيداني رئيس مركز عرجاء التابعه للمدينه المنوره00والمقصود بحمود هو مراقبنا المميز حمود الغيداني
امل ان تحوز على رضاكم ورضاء الاخ داخل0
ياحمود لايطري على عينك النـوم=الوقـت ضيـق والمسافـه بعيـده
عن عينك وعيني ترى النوم محروم=مـا دام ماشفنـا مبانـي بـريـده
وليـا وصلناهـا تريـح ومخـدوم=ارتح وانا ابى اسوق ونروح سيـده
ننصى ديارٍ دونها جبـال وحـزوم=حول المدينـه وصفهـا مانجيـده
لكن نبـى ننشـد ونلقالنـا علـوم=تفيدنـا ياحمـود عـمـا نـريـده
نلفي على اللي مجلسه دايم الـدوم=مليان0جعـل ايـام عمـره مديـده
معزوم انا وانته بعد معي معـزوم=عند ابلجٍ شوف المساييـر عيـده
داخل ولد عاتق بعيدٍ عـن اللـوم=راع الفعـول الطيبـه والحمـيـده
له مركزٍ بيـن الرجاجيـل معلـوم=يجون له من كل صـوب وبديـده
هو والكرم والصدق والمعرفه تـوم=من غيرهن يملـك صفـاةٍ عديـده
شغمومٍ لكنه ماهو بـأي شغمـوم=مواقفـه وقـت الشدايـد شديـده
ولاهي غريبه منه قرمٍ مـن قـروم=فعـل العلـوم الغانمـه مايكـيـده