بسم الله الرحمن الرحيم
هذه المشاركه للاطلاع فقط وليست للحل اتمنى ان تحوز على رضاكم والقصد منها الحفظ في هذا القسم

كان ودك بالغوز المحكمات=استلم خمسين لغز واردات
1وش جماد ينوجد عند البشر =له مكانه من عصور ماضيات
منكشف وجهه وله ناس تحماه=والقفا يخفي وراه الخافيات
2وش مدينه ساكنه وسط الدول =عامره بقصورها شي ثبات
ماختلف سكانها طول الدهر =بينهم ماصار ذره مشكلات
3وش صغير عايش طول الزمن =كل دار فيها لاقي له مبات
في حياته ياعرب شفت العجب= بالوطأيمشي وفوق الشاهقات
4وش ركيز وضحه نور الدجى = له محل بين وؤس النابيات
ماختلف ساسه على طول الزمن=ةاخر السيسان قوم له صفات
5وش حلال لأبتداء حرم حلال=له بدين الله شروط واضحات
سير نفوس على بر الامان=لاكتمل ماضن معه مراجعات
6وش صغير طول عمره ماينام =وان رقد نومه يطول به السبات
مسقي داره وله وزن معلوم=وسط غبه ماتيجيه الذاريات
7وش دقيقة وصف مامثله شبيه=عند كل الناس يعرفها الثقات
من يدقق في بحرها يعتبر=صنع رب الكون منشئ المعجزات
8وش طريق لالفا وسط البلد=اتضح علمه وجاله بينات
يكشف المستور لعيون الملا= كم قصور من فعوله طايحات
9وش نحيله خصر عشاقه كثير=كم عليعا دوبحن الساريات
سلمها عند العرب بادي قوام=دورها يوم النفوس مروزمات
10وش خفيف منقله شي ثمين =عن حموله نشدوا ربع الروات
كل نفس له تشوق وترتجي=فيه ياهل الفكر دور للحياه
11وش غريس عند حصاد الثمر=لانجلب للسوق فيه مفصلات
بينهم فرق موضح بالدليل=انتبه عن ذاك لو فيه الغنات
12وش عجيب سائر وسط الزمان= لامشى سيره يهز العامرات
عن فعوله تعجز ملوك البشر=توقف المهول لايلد البنات
13وش فريد مايجي وقت النهار=لاكتمل عقد الجواهر له حلات
اسمه بوصفه يعرفه من قراه=كم عيون لاجل فعله ساهرات
14وش خجول دايم جسمه خفي = رزق ربعه يجذبه جذب الدلات
حول داره شفت جسم ينتشر =كم عطا فعله جزيل المكرمات
15وش ثمينه ماتقوم بلا وطن=شكله عند البشر روح شتات
تمشي بوجهين كلن له شكل = دونها شفت السيوف مشهرات
16وش خدوم نفعها وقت الزوم = دورها يوم العلوم مصلحات
ناقله رجلين كلن له عمل=منتوين الي تلحف بالعبات
17وش ذلول سيرها يخلف عقول = شفت اهلها يرغبون مراوغات
فوقها شفت الزحول من الرجال= كم عليها حل بعض المعضلات
18وش سمي للرفيع من الجبال = الفخر ساسه ولاجلك مايبات
منهجه واضح وله درب قويم =الوطن والشعب روحه والحيات
لو وصفته ماوفيته بالوصوف= اذكر الله جامع جزل الصفات
حط شرع الله دليله والمسار= يعجزن مثله تجيب المنجبات
19وش هواوي عشقته ترغب لقاه = لوعليها شال حد المرهقات
لو وطاها روحت له طايعه= من فعوله يدلهن الممرضعات
20وش سجين ينتضر وقت العدام = لاجهر باصوت يعلن له وفات
لو بغيته عقب موته مايشاف= ماتجيبه لو تسوى المعجزات
21وش قريب حول دارك مسكنه= كل يوم شفت خيله مسرجات
شاهر سيفه شجيع مايرد = بامر رب الكون ما عنه نجات
22وش عزيز ود نفسك له تود = لاحصل بعض الامور الموجعات
كم ركب خيله شريف وانتهض= ابعدن به عن دروب العايبات
23وش رفيع اعتلى قمه هرم= يجمع الثنتين دين وطايلات
فرصه لاحت يامن ربي عطاك= فارقه بالخير عن صوم وصلات
24وش شيئ لابجسم ولاهواء= حاضر وان غاب جاله دورقات
لاقبلن ثنتين وحصلن شكوك= دق بوصفه يجذ المشبهات
25وش دليل فيه دين المتهم = شاهر بالون وسط الحاميات
دورنا بين له علوم جدد= حط بنته بالصحائف بارزات
26وش جماد معتلي قمه شرف= ساسه المعروف وسط الراسيات
انفرد باصيت من بد اشبهاه= كم نفوس لاقبلت له رايمات
27وش بكار بركن جنب الفحل = جنب زوله ساكنات فاضحات
مارعن عشب الحيا طول الزمن= لو انهن جذاب ودايم لاقحات
28وش فتون تالد بطفل عجيب= كم سحر قلوبن عاطفات
ساع ولده تنفرج بعض الهموم = فيه ماضني تجيك اللايمات
29وش خدوم شفت ورعه يخنقه = خنقته خنقت بصير به جرات
من غلاه العود مايترك ضناه= رابط راسه يصلب الملجمات
30وش خفي ظاهر عقب العذاب = مظهره لامه سبب كل الشقات
مخلف شكل العجوز ولونها = مادرينا هو شقا والا هنات
31وش رفيعه عند اهلها غاليه = نازله فوق العوال المشرفات
لامشت بديار غير اديارها= يمها الانضار اظن موجهات
32وش خبيث قام خبثه ينتشر= وسط ناس بالمراجل عاجزات
عن دروب الخير مارده الفلس= شوفته عند الوجيه الكالحات
33وش سلاح عنك يطرد معتدي = ينفعك لاصار فيه منازعات
لانكشف وجهه يهابون اعداه= تاضح بخده بيان المعلمات
34وش عيال كل دور يضهرون = بالسرا يمشون ماخفيو عرات
كل رجل لاظهر فيهم حكم= مايجي منهم عليه معارضات
35وش ضعيف لاقسا بعد الليان = يقبلنه عفر وعين مجهمات
ساسه حي كان ودك بالاساس= ثوب بنت تلبسه وقت الزهات
36وش اكول اكلها شين الحم= وصفها معرف شين المنكرات
كل حرعن ملاقفها عزوف = لاقبلت عليها سل الصارمات
37وش شرود كل ضل يجفله= اكثر سروحه وقت القايلات
فوق زوله كن مرتدم الشحم= وين عساس يجس الشاردات
38ويش ستير ينقل سلاح عجيب= حول داره صاير له رفرفات
لادخل شيخ بداره واحتكم = كن زوله حل فيه الجاثيات
39وش عزيز غير دور الزمان= اختلف شكله وجتله مطورات
عزتي للعود من دور وطاه= ينقشه هنود عقب المحصنات
40وش عزوم قبل ينبج الصباح=لعلعه صوته لها عندي طرات
يجذب الساري اليا جر اللحون= عند جزيل مايجيب الهافيات
41وش جزيل يالجزل عند العرب= قمته بالمجد رؤوس النايفات
الجزيره كل اهلها قوموه = ماتردو يوم دور المعدمات
42وش دلي ماتردوسط العدود= عددهن معروف لاقبل ظاهرات
كم عليهن سوين بعض العلوم= سلمهن معروف لاجن صادرات
43وش ولود تلقح بليا ذكر= لالفاها الزاد ولدت ميات
الولد معروف شكله يختلف= باسمها تلقاه بكل الغات
44وش شهيره دربها درب الوضوح = نورها يجلي ظلام الحالكات
لاخذت نور الخضار وبينت= شفت سرج النور منه مولعات
45وش عشير عقب ودلك معه= لو يجيك اليوم مالك به شفات
كان فكرك صاد بيت يسكنه= فاعرف ان الخير في داره يبات
46وش رحول لاعترض بالدرب شوك= جالها فوق مسير ودرهمات
كم ركبها رجل واجتاز العسير= عزتي لربوع رجليها حفات
47وش قرينه عامره وسط الليان = تتبع المقفي وتبقي ذكريات
حدها روس الجبال وتنتهي = فكرتي ياهل الفكر وش هالسوات
48وش نقي راح طمعات الليام= وحسايف فيه بيع ومشترات
ماخبرنا صار بسلوم العرب =وخذ فيه ريال ولا درهمات
49وش قعود هودجه فوق السنام= عن وصوله عجزوا رجال عصات
حد راع الصيت بعلو الحقب= باذل جهده ولاهي له منات
50وش كريمه لاذكر سيد الشرف= تلزمك بالقول سر ومجهرات
فضلها مذكور عند رب الملا= الثمن فيها يجيك مدبلات
تمت الغاز عليكم قدتها = ماقصدنا فيها غير التسليات
والسموحه كان في قولي خطا = ماعصم غير النبي سيد الهدات