ملتقى قبيلة حرب الرسمي - عرض مشاركة واحدة - مواطن بالمنطقة الشرقية يرفض تزويج ابنته الا لشاعر

24-02-10, 03:35 PM


	المشاركة الأصلية كتبت بواسطة الكحيلة


	يقال الرجال يعرف زوج بنته بمعنى انه يعرف هذا الرجال يناسب بنته وهي تناسبه وبكذا لايظلم الرجال ولايظلم بنته ابي اتكلم بشكل اوضح لوتقدم رجال راعي جمعات وكريم ودايم نارة مشبوبة ومدهل غانمين الرجال فاهم الطلب يد بنته وهو يعرف امكانيات بنته ويدري انها لايمكن تحمل مثل هذا الرجال وبتالي الرجال مارح يصبر عليها اكيد بيرفضه لنه عارف انها ماتناسبة ولاهو يناسبها حتى لو الرجال مطمعة على قولتهم هل هذا الرجال عقال وعلى حق في نظركم اكيد نعم طيب الاب صاحب القصة يعرف وش الي يناسب بنته فهي كما ذكر تحب الشعروتحفظة ويناسبها رجال يحمل موصفات تفكيرها حتى يسهل التفاهم بينهم والانسجام الفكري لكن لوزوجها الواحد عكسها تمامً وش بيصير تبي تعيش تعيسه وهو في وادي وهي في وادي خلونا من هذا لوجلست يا خالد الهيبي مع رجال ثقيل طينه وغبي وتسولف عن شيء ويرد عليك بشيء اخر بذمتك ما تنبط كبدك وتقوم كيف عاد الي يبي يعش العمر كله اقول معه حق هذا الاب لنه فكر في ميول بنته ومشاعرها

هلا هلا ياكحيلة حرب المعذره ماشفت الرد الامتاخر

عموما

يعني بكلامك هذا كانك تقولين كل شاعر خفيف دم وطينه ومرح وتعيش معاه المره العمر كله ماتمل 0

يمكن الشاعر يكون سبب تعاستها لان معجباته كثير 0

يمكن ايضاالانه شاعر ومشهور الكل يبي زوجه مره ثانيه وبتسهيلات وتروح فيها بنته

يمكن لانه شاعر ومشهور يكون مغرور واول ضحيه لغروره هي بنت العود اللي هي زوجته

ثم يقولها اللي جابك يجيب غيريك وانا شاعر وكل يبيني 0

ايضاا يمكن لانه شاعر يكون تعيش معه في اوهام وخيال وماتعرف راسها من رجولها

من القصايد والعلوم وفالاخر تنصدم00

صدقيني

الشاعر لايكفي ليكون الرجل عريس مميز و(لقطه ) على قول المصريين

وماهو الا اكسسوارت اضافيه على العريس

وهناك ماهو اهم وهي الاخلاق والرجوله والامانه والدين 00

شكرااا وتقبلي تحيتي 0