بطلت مابغى أسمع لنشرات الاخبار=ولا اريد شوفك ياقناة الجزيره
مايوم فالنشره سمعنا خبر سار=ماتنشرين ألا حوادث مثيره
واللي يتفرج فيك مخطور باضرار=صغط(ن) وسكر مع مصايب كثيره
تاتين بالاخبار من كل الاقطار=على المشاهد كل أبوها خطيره
خص(ن) ليا صار المشاهد دِمه حار=وعنده على الاسلام والدين غيره
ماتعرضين ألامجازر للاعمار=وبكا طفل ونياح حرمه كبيره
دم العرب ماله مهابه ومقدار=يسفح على يدين الوجيه الشريره
فلسطين فيها القتل يومي والاخطار=مافيه ساعه غير تسمع وغيره
وعراقنا لو شافته خضر الاشجار=تيبس وكنك شاب فيها سعيره
فيه القتل والنهب والهتك بالعار=ودمار أنصار الخيانه تديره
والقايد اللي له مكانه وتعبار=يذبح نعار العيد مثل الهشيره
ومن حيث ماوجهت شاشات الاقمار=الظلم لاهل الدين في كل ديره
شي(ن) منه تذوب صلبات الاحجار=ولا العرب محدن ينوبه ضميره
تمشي ورى الموضه وتقليد كفار=واطيبهم مدرك سلالة بعيره
مافيهم اللي ياخذ الثار بالثار=ويرد كيد أهل العقول الحقيره