المشاركة الأصلية كتبت بواسطة علي هليل الحربي

يازيد لي مده عـن النـاس معـزول=والقلـب كـن يقطعـنـه شـبـاري
بالناس ما كنـي ولا عنـدي الـزول=اليا طرى للقلـب بعـض الطـواري
لاشـك ذكرنـي قبـل دايـر الحـول=ناخـذ لنـا يوميـن بـام القمـاري
عند ابلج(ن) راسه على الطيب مجبول=طلق الحجاج اللي على الطيب ضاري
في فيضةٍ باطرافهـا ترتـع الشـول=شرقـي خـزاز وحـول هكالمحـاري
اظني القى لضيقـة الخاطـر حلـول=اللـي تباريـنـي بلـيـا مـبـاري
مع كل غيبة شمس للضيـق مدلـول=يبعد مـدى ليلـي عـن اول نهـاري
نوبات يوزمني علـى صامـل القـول=ونـوبٍ هبوبـه مـا تـذر الـذواري
واللي معرضني شبـا كـل مصقـول=بيـد سبيـل وبـاد منـه الحـداري
وان قلت لايمكـن ولاهـوب معقـول=عزيت نفسي في صحيـح البخـاري