بعد اجتمعنا أنا و إياك = بحضور فواز مع سالم
سلام مني على مبداك = اللي في صرف الوفا والم

دايم على الطيّبة ممشاك = أنيق معناك للفاهم
ترحيب لايق على ملفاك = بعداد ما يذكر الصايم

عسى البقا من هنا لهناك = و هيّا معي وحّد الدايم
و اسمع صدى الصوت لا من جاك = لا جاك يعبّر عن الهايم

زمان وآنا أحتري لقياك = لا يظل طير المثل حايم
ليل الصفا يناظر لمعناك = وضّح لنا جوّه الغايم

قلبي معي دايما ً في عراك = بمعاركة تصحّي النايم
من شوق هبهب من الشبّاك = شوقه سواة العدو الغاشم

قلبك تعلق على رؤياك = و الدرب فيها الهدف عايم
هذاك نور الأمل وافاك = خلك مع الوضع متوائم