الأوله=
سلام تسليم المعزه والغلا ياهل الوفا=
رديةٍ ياربعنا مثل العسل فيها الشفا=
مقدارها طيب النبا في جهر ولاّ في خفا=
مايختلف ميقافها ثابي على مر السنين=
الثانيه=
والثانيه جينا نبارك للعريس المحتفى=
الله يتمم له بخير ويجعل ايّامه صفا=
واللي يكمل واجبه ماحدٍ يلومه لالفا=
والعلم مايخفاك دربه وانت سيد العارفين=

الأوله=
يامرحبا ترحيبةٍ فالوجه ماهي فالقفا=
أعذب من الماء لانزل من هادجٍ خيره ضفا=
وانتم جماعتنا ذرى لجنوبنا مثل الدفا=
وانتم وحنا فالمواقيف الصعيبه مانلين=
الثانيه=
الله يبارك فالجميع وزاد نورك مانطفا=
تدعي بخير وكلنا ندعي في هذا الماقفا=
واللي يسد في لازمه يسمى على وسق الشفا=
الله يحييكم تخيّر بين عين وبين عين=