سـلام ياهـل الـدار منَّـا مثنَّـى=ومردوف بالمقدار والطيب يبـراه
أعداد مـا هـل الحيـا وأرزمنَّـا=فيه الرعود وسايق الخير في ماه
يضفي على أهل الدار واللي تعنَّـا=واللي حضر من كل نية ومجهـاه
لأهل البيوت اللـي رفيعـه تبنَّـى=على الوفاء والعز والقـن والجـاه
ياصقر ياللي حسبت الشمس منَّـا=لا شع نوره .. سَابَق النور مبـداه
جينا على حسب الوعيـده وحنَّـا=عند اللوازم دونك السـاق مثنـاه
وإن جات للمعنى علـى كـل فنَّـا=صغنا اللحون وكل معنا في معنـاه
لا ياعضيد(ن) لا وقف ما توَّنـا=وعند المـلازم لا لزمنـاه نلقـاه
كان المنى يـوم المنـى وانتمنَّـى=نروي ضمانا بعد وقـت طوينـاه
وليا سمعنا مـن لفـى قـام غنَّـا=وكل زامر أطْـرب الحـي بغنـاه
وروس المثايل هيض(ن) وأقبلنَّـا=وهاجت هجوس القلب وأظهرخفاياه
أظهر خفايـا ود فـي وقـت كنَّـا=في قلب واحد صافي الـود صفَّـاه
غير أحمد اللي مد من غيـر منَّـه=في العمر حتى داير الوقت شفنـاه
والخاتمه ياالله على الوقـت عَنَّـا=ياواحد(ن) كل الخلايق في رجـواه
وديم الفرح عقب الفرح وانتهنَّـا=في مثل هذا اليـوم وأيـام تقفـاه
وإن كان منِّي بادي القـول سنَّـة=الـرد حِسْبَـت واجبـي وأتحـــراه

يــا مرحبا باللــي بطـيبه وصــلــنا= ترحيب نـو قــاد من غزر مــرواه
هبــايبه بالخــير يــــوم أذرحــــنا =كـــل(ن) على داره سحـابه تمـــــناه
برقه برق مــــن شــــــامنا لا يمــنا=وأنهــل الغــيث فضــل مـــــن الـلــه
منــه الخــزامــا والـــــنفل ينـبــــتنا =والفل ينبت من سحابه لــــيا جــــاه
وابــيات شعر(ن) جــــاتنا وافـــرحنا=فاح الزهرمن حرفها قــــبل نقــــراه
من ربع أهل حشمه وقيمه وقــــــنـا =منزالهم في القلب داخـل حــــــنايــاه
اولاد زايد بن حسـن مـن اهـــــلــنا=ميموني المنسب على العز منـشـــاه
حماية السـاقه لـــيا اللــــيل جنـــا=دايم كما حـيد عسير(ن) معــــــــــداه
وان كان زير الحرب للـحرب دنـــــا=مــا مثل ابن زايـد نــهار المــــلاقـاة
ما هــي سوالف جـات منـا و مـــنــا =هذا كلام الصدق والصدق محـــــلاه
ربــع(ن) اهل رمح(ن) وسيف مـــحنا=واهل فرنجي مــا كماهـا وشـــلفــاه
واقدامهم فـــي كل طـيب(ن) مشـــنـا=والكل منهم يوصل الـــعلم منــــــهاه
وايمـــــانهم فــالمد ما يــجزعــــــنا=كل(ن) يمد الطيب من كف يمنــــــاه
واللي بدأ بالطيب من حسن ظنــــــا=حنا على ما ظن بالطيب نـــجـــــزاه
واللي وصــلنا فــي فــرحنا وهـــــنا=الكــل مــنا جــاء عشــــانه وهنـــاه
واختـامها اشــهد بالــوفاء يــا زمنا=باللي على درب الوفاء تمشي خطاه