السلام عليكم ورحمة الله وبركاته
هذه القصيدة كتبتها في وكيل مدرستنا الشمري وماقصر معي
اتمنى تحوز على اعجابكم
هاض الهاجوس وهيضه فعل نواف= الشمري راع الفعول السماني
نواف لاقالوا هل الطيب نواف= كنك تناظر في سهيل اليماني
اللي رقا بالطيب في رأس مشراف=فعله يخلد في جبين الزماني
ولد الطنايا مابهم شك وخلاف= فزعاتهم ماهيب والله تخفاني
لكن يانواف سطرت ذا القاف= نبي ترى فزعتك وقت إمتحاني
الفيزياء شيب براسي ولا راف= حتى ولو هي بس عشرة ثواني
والكيمياء شي(ن) تحير ابه الأوصاف= ارموز مشتبكه تجيب الجناني
كربون وأكسجين وأشياء تنعاف=حتى الهواوي عاف طرد الغواني
من عقب ماهو للغنادير ميلاف=ويحب زينات الوجيه الحساني
اليوم جاله من هواء الدرس محذاف=ماعاد يبغى شوف ظاف الثماني
لكن ترى فزعتك بتزيل الإجحاف= ويطيب راع الحب ويحب ثاني
ويعيش بأحلى جو في وسط الأرياف=مع الهنوف اتبادله بالحناني
وختمت قافي مرسله صوب نواف= الشمري راع الفعول السماني
أربع عشر بيت(ن)كتبته على آف= والشطر الآخر تم فالحال آني
وسلامتكم