يارجـل لاتنسـى حقـوق الرفاقـة=وعلى حقوق الربع لاتبدي القـرش
فبيوتهـم تلقـى الكـرم واللبـاقـة=وتاكل عيال اللي عراقيبهـا حـرش
وتعطيك أهلها من التراحيـب باقـة=مجالـس مكسيـة بأفخـم الفـرش
غناتك بربعـك ولـو مـاش فاقـة=تسوى ملايين الرعايا من الطـرش
وإلا غنـاة المـال هـي الحمـاقـة=لو تنفـخ العلبـاه وتكبـر الكـرش
ترى ماهي دايـم فـروح ورواقـة=دنيا تذل الذيـب وتنـوخ الهـرش
لو بينها وبينـك ضبطـت العلاقـة=وبنت لك من الحلم فوق البحر عرش
مـن طبعهـا ماتخلـي الاصطفاقـة=ياما اخرشت ناس لهم ثقلهم خرش
تخلي يدين اللـي عشقهـا عشاقـة=وتغني يدين اللي قبل رابح شـرش
مادام تحمل باسـم ربعـك بطاقـة=على حقوق الربع لاتبـدي القـرش