ياسلام الله سلام مصمم ومحبوك = من هجوسي لأجل رؤوس النشامى حابكه
يامحمد وش بقي للقبيله فالبنوك = من رصيدٍ قبل شعر الربيقي تملكه

مرحبا ترحيب طيب من البارح يصوك = يأصلك لو القراره عليكم شابكه
القبيله يابيض الوجه مافيها شكوك = كل علمٍ يرفع الصيت دايم تدركه

أنت في صدرك سوالف من البارح تحوك = مير دورلك طريقٍ يشرف واسلكه
القبيله كلهم يالربيقي شجعوك = مير مالله حط فيكم جماله وبركه

يامحمد ردك الله لبيت أمك وأبوك = لاتشد من الهييشه وتنزل مدركه
أنت ضايق يوم ربعك بعد مارشحوك = مالقوا بديارك الا الضمأ والتهلكه

وأنت وش سويت من بعد مارحت لتبوك = السوالف كلها دربكه في دربكه
احمد الله فالشعر سالكٍ زين السلوك = واحتم الميقاف لاجيت وسط المعركه

اقتنعنا يوم شفنا على البيبان أخوك = فيه خفت رأس والا بعد زود حركه
كل ماشفت المسايير يارجال جوك = قلت أنا ابن مهيد واللي معك نص ودكه

ليت ربعك قبل تحزم فراشك علموك = الربيقي بالمواقف وش اللي يربكه
اتكلم بالحقايق واقدملك صكوك = وأنت حول البحر بالله كم صدت سمكه

أهل شؤون الباديه يامحمد كم عطوك = كثرت الترديد بالصلب تأخر حكحكه
باقي لك صك ناسيه لكن مانسوك = عالم في عبلة وضاخ سوت دكدكه