محمد سعد اليوبي=
ياليت عينك تشوف الورد=اللي من العين يسقونه
عوده جمد من صقيع البرد=ومن الضماء ذبلت فنونه
بيان الصمت=
للورد صاحب بأرض الود=يحماه في عالي غصونه
لكن غيابه يأثر ضد=من نظرة اللي يراعونه
محمد سعد اليوبي=
ناديت بالصوت عيَّا يرد=خايف من الناس يوحونه
وأنا معه كيف أبا اشد=وهناك من هم يعزونه
بيان الصمت=
مادام دون الأماني سد=لا تنتظر ماطر مزونه
حذراك يم المعالي تلد= وتصير تاريخ يحكونه
محمد سعد اليوبي=
مادام ليَّه خفوق يعد=ولا عاد لي مكحل عيونه
لاسل سيف النقاء واهد=دار على الخبث يبنونه
بيان الصمت=
فالقول هذا وجوب الحد=سابق على العرف قانونه
مالك دلايل ولا مسند=والحكم بالنص يقرونه