المشاركة الأصلية كتبت بواسطة محمد سعد اليوبي

	السلام عليكم ورحمة الله وبركاته دون قصور في الجميع ،، ،، ترى الزواميل ماهي عندنا لكن أقبلوا المواجه وطالبكم لا تنقلونها لين تستوفي غرضها ،، ،، ،، ،، ،، ،، ،، ،، ،، ،، ،، ،، ،، سلام تسليم الرجال اللي تحيزم بالرجال=اعداد ما هبت هبوب وعد ما ساق الخيال رديةٍ من راس شاعر ما يلقيها الشمال=لاجات بايمان الرجال اللي لهم قدر ومعزة //////// والثانية العاقل اللي ما يشيل من الثقال=اللي تضر ولا ترجح جابته عند السوال وأنتم من اللي فالكم يابشر يرجح بالعقال=هذي حقيقة باينة ما قلتها من شان رزة //////// والثالثة أنتم وحنا من كريمين السبال=ولا ثنتنا في العزيمة النايفات من الجبال حدد لنا ميعاد حيث يكون ياولد الحلال=حتى يغيب بليس ولا يجي في كل حزة

الأولة=
يامرحبا ترحيب وافي مايجي حوله جدال=يمشي على وضح النّقا من دون روح ولاتعال
ترحيبةٍ من هاجس اللي مايمد الاّ الجزال=وماكل منه جاب له بيتين يقدر يستفزّه
الثانية=
العاقل اللي طيب قوله تم مع طيب الفعال=ياصل مواصيل الوفا مايوم تقصر له حبال
ولاّ بني أيوب قوم الطيب راقين الطوال=الربعه اللي بالوفا والطيب دايم مِستعزّه
الثالثة=
حِنّا رياجيل الوفا في سلم ولاّ في قتال=مانقصر الخطوات نمشي بالوفا في كل حال
واللي طلبته عندنا والحمل في ظهر الجمال=والحق سيفه ماجرح راعيه والمبطل يجزّه