 |
 |
|
 |
|
مجازف=
سلام مخصوص لبخيتان = الشاعر الشادي البشري
عسى يتقدم الى الميدان = قدام ليل الصفا يسـري
بخيتان البشري=
ترحيب مبني على سيسان = من بال لأهل الوفا يشري
ابشربعد جيت ياحميـدان = ماني عن الوافية مـزري
مجازف=
عسى البقا بعد حرفك بـان = وآنا اتحـراه مـن بـدري
ماسمعت عن طاير الشيهان = يشويـه راعيـه مايـدري
بخيتان البشري=
بالهون يامجازف العجـلان = ويابخت من يملك الصبري
ماسمعـت والحـر ماينهـان = في عُرف راعيه لـه قـدري
مجازف=
من يملك الصبر شانه شان = والصبر قد ضاق به صدري
خذ الخبر طيرنـا نشـوان = والحـر مايقبـل الاسـري
بخيتان البشري=
الصبر يبغى قوي إيمان = ولابد بعد العسر يُسري
الحر ماينكر الأنسـان = وصفاته النادرة تغري
الاخ القديرمجازف والاخ العزيزبخينان البشري
صحت السنتكم مليووون وبيض الله وجيهكم ودام الله عزكم
محاوره في قمة الابداع والروعه من بدع وايضا رد الله يعطيكم العافيه
تقبل تحياتي وتقديري |
|
 |
|
 |
ياهلا فيك اخي القدير وليف الشوق
سعدنا بمرورك المبهر
عطر الموده لقلبك
طبت وطابت ايامك