علي عيد=
وين التقي لي طبيب يفيد=يفيدني بالدواء في داي
اللي معي يستجد ويزيد=ويعيد سقمي بكل عضاي
بخيتان =
نكدت لي خاطري تنكيد=من حال تشكيه هد قواي
فند لنا المشتكى تفنيـد=آساك كنه آسى فحشاي
علي عيد=
يابو محمد على ما أريد = عيت تحقق معي رجواي
الوضع ماهو لنا فالأيد = هذا الذي زاد في بلواي
بخيتان=
حرف المثل ما حوى تجديد = حتى نبادر لكم بالرأي
ماراح لاعاد فيه تعيد = عطنا جديده معك فالجاي
علي عيد=
غالي ومحسوب عندي سيد = هو غايتي فالحياة مناي
يرجع كما كان لي واهيد = عساك فاهم معي معناي
بخيتان=
إن كان والقصد بالتحديد = إن ماخطت رمية الرماي
فلذة الكبد يابن عيد = هيا استمع ماينص ادواي
علي عيد=
اوجزت لي كامل التفنيد =ولازال سمعي لكم صغاي
هات الذي للجروح يبيد =اللي بكبدي لها براي
بخيتان=
جعل السعادة عليك تسيد= والضر كشفه على مولاي
أوصيك بالصبر يا صنديد=وقت الشدايد لها رساي