انا كل ماقلت انطفت نار شبت نار=تهدّ الهموم حصون صدري وتجتاحه
علي بالهوين شوي يامتعب الصقار= تعذبت من سبتك والناس مرتاحه
انا ويش ابي بالحب مادام ماله دار = ودارٍ بدون الزين توحشني اشباحه
ذكرته ونا مع سجتي حى هالتذكار= ابو رمش ماياوي وعينين ذباحه
تمايل غصونه كل ما شعشع المخضار= وطاحت من الاثمار في ايدّي تفاحه
وقلت اسكني قلبي وحطي عليه اسوار= تراكِ هنا قلبي وبابه ومفتاحه
وقالت هلا يامرحبا والكبار اصغار= مشاعر من الاشواق بالحيل فوّاحه