السلام عليكم ورحمة الله وبركاته.
هذا أول لغزن لي معكم يالربع والمحاولة الأولى . وابيكم تفكون قيده مع إني حاولت أدس فيه والظاهر إني ماعرف لكن عساه يجمل واستلمو
أنشدك عن رجلن ولا هو من الناس=جيشه وراه ويحتري منه صيحه
رجلن ذهين وفيه درقه وحساس=مرسول للي فكرو في مطيحه
وليا فطن للي قعد له بالأقواس=وارهى عليه الشك وارهى بريحه
يلوذ لوذه ويتمسمس تمسماس=ولا ظنتي يسلم يصير الذبيحه