محمدسعداليوبي=
قولوا لذاك العليل الصب = اللي وقف آخر الطابور
قبلك أمم في سجل الحب = من كثرهم مايجيك الدور
المجهول=
لا تحذفه في غياب الجُبْ = مثلك على الطيبه مآجور
يمكن فلحظة هوان يطب = ما تعلم الغيب يادكتـور
محمدسعداليوبي=
الشايب اليوم مـا يغلـب = قنعان يبغى بنات الحـور
لكن يغيضك تشوف الشب = مثل العمى ما يشوف النور
المجهول=
دام الدماء في عروق القلب = لا بد يـوم الغـرام يثـور
واللي فقلبه خضار يحـب = لو كان شايب على الباكور

المجهول=
موبايلي وإتحـاد عذيـب = وحياة أسهل وعالم زيـن
فالأربعه مالقيت مجيـب = سألت عنَّك ولا أدري وين
محمدسعداليوبي=
ما غبت عني ولا أنا أغيب = الا إذا تفتـرق عينـيـن
لكنَّـه المشكلـة يـاذيـب = العين يصعب تشوف العين
المجهول=
أنا أحسب إنك ركبت الجيب = مع الذي راح من شهرين
والحين بنجـدد الترحيـب = لو إنهـا فآخـر البيتيـن
محمدسعداليوبي=
صدقت لكن نفضت الجيب = وأخذتها مشي بالرجليـن
وشرواك باقي يمد الطيب = وأنا من اللي يسد الديـن

محمدسعداليوبي=
ياصمت خل الهجير يروح = ساعة بعد ماتزول الشمس
حتى يجي عندنا المملوح = اللي قصر به نهار الأمس
المجهول=
لا شفت شمس الأصيل تلوح = وغاب الشفق والحديث برمس
ساعة عبير الـورود يفـوح = أنظر بعينـك وخـل اللمـس
محمدسعداليوبي=
من قيل لا تبدأ المشـروح = أبصم على هاجسي بالخمس
أنك نظمت القوافـي بـوح = عبرت به عن حديث الهمس
المجهول=
لاترد ذيك العلـوم مـزوح=يا ساري الليل فوق الجمس
الخـط مابيننـا مفـتـوح=وقت الرخاء والنهار العمسِِ