ملتقى قبيلة حرب الرسمي - عرض مشاركة واحدة

20-01-10, 12:59 PM


	المشاركة الأصلية كتبت بواسطة محمد سعد اليوبي


	أحد الشعار الذين كانوا معنا هنا وقد صادفته وكان يعتب علينا أننا لا نسأل عمن يغيب عنا وهو عن نفسي معه حق لكن لعل لي عذر المهم تساجلت معه في الثلاثة القيفان هذه لعلها تعجبكم لو أني في التنسيق مابالحيل ... البداية مني محمدسعداليوبي= قولوا لذاك العليل الصب = اللي وقف آخر الطابور قبلك أمم في سجل الحب = من كثرهم مايجيك الدور المجهول= لا تحذفه في غياب الجُبْ = مثلك على الطيبه مآجور يمكن فلحظة هوان يطب = ما تعلم الغيب يادكتـور محمدسعداليوبي= الشايب اليوم مـا يغلـب = قنعان يبغى بنات الحـور لكن يغيضك تشوف الشب = مثل العمى ما يشوف النور المجهول= دام الدماء في عروق القلب = لا بد يـوم الغـرام يثـور واللي فقلبه خضار يحـب = لو كان شايب على الباكور المجهول= موبايلي وإتحـاد عذيـب = وحياة أسهل وعالم زيـن فالأربعه مالقيت مجيـب = سألت عنَّك ولا أدري وين محمدسعداليوبي= ما تغبت عني ولا أنا أغيب = الا إذا تفتـرق عينـيـن لكنَّـه المشكلـة يـاذيـب = العين يصعب تشوف العين المجهول= أنا أحسب إنك ركبت الجيب = مع الذي راح من شهرين والحين بنجـدد الترحيـب = لو إنهـا فآخـر البيتيـن محمدسعداليوبي= صدقت لكن نفضت الجيب = وأخذتها مشي بالرجليـن وشرواك باقي يمد الطيب = وأنا من اللي يسد الديـن محمدسعداليوبي= ياصمت خل الهجير يروح = ساعة بعد ماتزوال الشمس حتى يجي عندنا المملوح = اللي قصر به نهار الأمس المجهول= لا شفت شمس الأصيل تلوح = وغاب الشفق والحديث برمس ساعة عبير الـورود يفـوح = أنظر بعينـك وخـل اللمـس محمدسعداليوبي= من قيل لا تبدأ المشـروح = أبصم على هاجسي بالخمس أنك نظمت القوافـي بـوح = عبرت به عن حديث الهمس المجهول= لاترد ذيك العلـوم مـزوح=يا ساري الليل فوق الجمس الخـط مابيننـا مفـتـوح=وقت الرخاء والنهار العمسِِ