يابنت قلبي في يدينك وديعه=قلب على الطالات راقي مربا
فيه الوفا والطيب طبع وطبيعه=مايعرف الغدرات ولا يوم كبا
في جوف صقر للمكارم طليعه=صقر على الهمات يابنت ينبا
ولاينتقي صقر المعالي وظيعه=ولا ينتقي طير رويسه يخبا
بنت الصقور اللي حماهم منيعه=رجالهم في لازم العز هبا
مشمر الذرعان عند الفجيعه=قسمه من خيار المقاسيم يجبا
وليا لفاه الضيف يلقى البديعه=كوم الخواصر بعد كيف يصبا
يابنت قلبي طايع اللي يطيعه=بامر الهوى يحكم وبالود يسبا
لطفك على قلب عدوك يبيعه=واللي يودك بالمودات يحبا
هذا الهوى يابنت لا ضاق ريعه=هز الفؤاد وضلع صدري يشبا
ودك على صفو المودة نذيعه=يا أشرف الغادات وللقلب طبا