محمدسعداليوبي=
من قلب ما يضمر الغيبة = ولسان ما ينطق البهتان
سلام .. والقن والطيبـة = مني سواة المطر هتـان
سالم البشري=
من حر مايظهـر العيبـه = ساسه قوي ثابت الأركان
ترحيب يعـرف مواجيبـه = مشيه على الطيب والأقنان
محمدسعداليوبي=
مـن دون لفـه وتسحيبـة = ومن قبل لا نقول كاين كان
الدار .. مطلـوب ترتيبـة = قدام صدع الجـدار يبـان
سالم البشري=
الدار مازال له هيبـه = باقي على مركزه للآن
واللي عنه طوّل الغيبه = لايحكم الاّ على برهان
محمدسعداليوبي=
ما أحدٍ يخلـي مكاسيبـه = ومنه ترك مكسبه خسران
والصدق قسمي ومحريبه = ولا أدخل الا مع البيبان
سالم البشري=
لاصرت عارف وداريبـه =من قمّته لاسفل السيسان
لاتقول هاذي عذاريبـه =الناس ماتنكر الإحسـان
محمدسعداليوبي=
مالي هدف جيت أهذريبه = وربعي لهم عند مثلي شان
والبيت ينعـاد تشطيبـة = و ليا قصر يرفع البنيـان