المشاركة الأصلية كتبت بواسطة عماد القرافي

دايم تمر ولا ضوى بوجهي النور=واليوم وجهي بوجهها دون موعـــد
قامت حراره هالنظر فيني تثـــور=نوباتٍ اوقف ثم نوباتٍ اقعــــــد
ردت هدبها بالتفاته على الفــــور=من ثم راحت والجســـم منها يرعد
وانا جمودٍ صابني وخوف مبهور=اما اتابع دربها او اني ابعــــــــــــد
قمت اتعقبها ولا فيني شعـــــــور=قالت تراجع قبل لا الجـــو يرعــــــد
قلت المطر غايب له سنين وشهور=والقلب ممحل ما بقى فيه مـــــــورد
قالت انا غيمه سخط كلي شــرور=قلت اصرفك برياح صدي ولا انشد
قالت غريبه واثق وكلك كســور= قلت التجارب خلت القلب يـــــــجلد
قالت حبيبك اللي بالامس لــه دور=قلت بصراحه مبسمه فيني يخلـــــد
قالت عجيبه تعترف كلك ســـرور=قلت الكذب خيبه ولا فيه مرشـــــد
قالت انا احب الصدق واكره الزور=قلت الصدق طبعي واقوله مؤكــــــد
قالت اجل عطني الرقم واقصر الدور=الله يعين اللي هوى دون مقصــــــــد
هوت وانا معها هوينا على عبور=ياويل حالي جعل هالحب اسعــــــد
اللي مظى اكتب من الويل مقهور= واليوم نقصد في بدايات مشــــــــهد
عل الروايه تكتنف ورد وزهــور=وبطيبها تطيب الخواطر ونسعـــــــــد