[table1="width:85%;background-image:url('http://www.m-harb.net/vb/mwaextraedit2/backgrounds/197.gif');background-color:orangered;border:5px groove limegreen;"]
يامرحبا عـداد غيـث نثـر مـاه
وما ينبته روض من الوسم سايـل
في مجتمعكم غاية القلـب ومنـاه
حي الله الحضـار والشـك زايـل
على شرف ذخر الشيوخ المسمـاه
أهـل النقـى ومعربيـن السلايـل
سمـي جـده عـاد داره ومنشـاه
يامرحبا بأحفاد وافـى الخصايـل
فعل الذويبي تفتخـر بـه دنايـاه
يذكر ليـا عـدة فعـول الحمايـل
فيحان بن ناهس إليا حـل طريـاه
زبن السجين اللي وقـع بالحبايـل
كم من سجين إطلق سراحه بمسعاه
شاف الفرج من عقب شاف الهوايل
رمز الوفاء سارو على نهجه أبناه
عن نهج أهلهم مارضوا بالبدايـل
أخوان نوره فـي نهـار المثـاراه
إليا تعلـو فـوق قـب الاصايـل
كم فارس من فعلهم جـاه مااكفـاه
عليـه شقـن الثيـاب الحـلايـل
ضرب اللويصق بين منكب وجمهاه
كم راس من ضربه دميـه شلايـل
ياكود ديرتهم على الخصم كـوداه
ستر البنـات منقضـات الجدايـل
هم أمرانا بـأول الوقـت وأتـلاه
مقـدم سلفنـا بالسنيـن الاوايـل
مقدم سلف لابـه بواتيـع ورمـاه
بنـي عمـر لا ولعـن الفتـايـل
وحنا بياض الوجه فعلـه كسبنـاه
قصة نويشي هـي خيـار الدلايـل
لنـا فعـول وغيرنـا ماظلمـنـاه
مـا ذم باقـي طيبيـن القبـايـل
الطيب بين الناس قسمة مسـاواه
لاشك في بعـض الفعايـل نفايـل
واليوم صار الذيب يرعى مع الشاه
في نعمة الاسلام ديـن الفضايـل
دين الفخر دين العـدل والمسـاواه
تم انتشاره فـي جميـع الوسايـل
في ظل من حـرر بـلاده بشلفـاه
وبحنكته وحـد جميـع الفصايـل
عبدالعزيز اللي عسى الخلد ملفـاه
وتغفر ذنوبه يوم كشف السجايـل
الحكـم لال سعـود والمـلـك لله
مافيه بين الشعب قاصـر وطايـل
حنا جنود الامـن للـدار وحمـاه
درع لها من كـل طامـع وعايـل
هـذا وطنـا كلنـا مـن فـدايـاه
نفـداك يـادار الهـدى والجمايـل
تمت بذكر اللـي رجينـا وخفنـاه
وصلوا على خاتم جميع الرسايـل | [/table1]
[table1="width:85%;background-image:url('http://www.m-harb.net/vb/mwaextraedit2/backgrounds/200.gif');background-color:orangered;border:6px groove limegreen;"]
سلمت يمينك يابدر على النقل وجزل الاختيار
وصح لسان شاعرنا العلم متعب بن عويض المشيعلي العمري الحربي وستين نعم بشيوخنا الذوبه ويستاهلون ماقيل بهم وكفو اخوان نوره واهل لما قيل بهم ولهم منا بياض الوجه كل ماحل ذكرهم | [/table1]