المشاركة الأصلية كتبت بواسطة وليف الشوق

بحرالكسره=
مايسمع النصح لو نعطيه = القاف نسعى على فنونـه
حسب الاوخوه وفى نهديه = ادرى على الشعر ولحونه
سالم البشري=
الشعر يحتاج من يوفيه = يرقى بشكله ومضمونه
والنصح لو طبّقه مبديه = ماكان ثارت به جنونه
بحرالكسره=
من دم روحي انا اسقيـه = ولا يختلف يوم في وزونه
اخاف بعض الاسئ لايجيه = تـراث نعتـز ونصونـه
سالم البشري=
ماظن كلمة أناترويـه = القيل له ناس يحمونه
ولاكل من قال نستفتيه = حكمه من اللي يعرفونه
بحرالكسره=
القاف لو تزرعه تجنيـه = ازهار تجني على غصونه
واللي سخي بالعطى يبديه = يعطيـه حقـه وقانونـه
سالم البشري=
مااستغرب البر ينبت فيه = الزرع والناس يجنونـه
والقاف ماينزرع نبنيـه = وانته من اللي يجي دونه
بحرالكسره=
بان الهدف وانكشف خافيه = يفصح عن القول مكنونـه
لاتعكرالبحر من صافيـه = و لاتامن الموج وسكونـه
سالم البشري=
شاب المثل وانكشف راعيه = كـل الخلايـق يشوفونـه
نابه من الجـور مايكفيـه = فـي حالتـه لاتزيدونـه
بحرالكسره=
لابد منهو ابتـلا نعفيـه = الدا يكشف مـن غبونـه
له كاس من بحرنا يشفيه = وناخذ على الطب عربونه