تــــــركــــــي =
سلام والجـو فيـه رشـاش=مخصوص لأهل المثل مرسول
ياطيب الساس علمي كـاش=بعد التحيـة لكـم موصـول
أبـــــو مـحــمــد =
ترحيب منقوش مـن نقـاش=في رسم الأمثال فعل وقـول
ياراعي الطيـب مانتـا لاش=هات الخبر و إسمع المعقـول
تــــــركــــــي =
لاعاد ميـت ولاهـو عـاش=قلبي وحالي معي في نـزول
حتى الجسد صاربه رعـاش=واليوم في وحدتـي معـزول
أبـــــو مـحــمــد=
ما كنـي إلا بوسـط نعـاش=زاير لحضرتك بـك مذهـول
في ذعر من حالتك وجهـاش=فصـل لنـا كامـل المدلـول
تــــــركــــــي =
قاومت أنا جنـده الأوبـاش=صامد وسيفي لهـم مسلـول
وأخشى غدآ لا أروح عراش=وأحتـاج ميقافـك المأمـول
بـــخـــيـــتـــان =
ثابي وعن ماقفي مانحـاش=مهما المخاطر علـيّ تجـول
الحـق راعـيـه مايـنـاش=وجيش البُطل دائما مخـذول
تركي=
البين جيشه طلع غشاش=حالف جيوش الجفى فأسطول
نبغى صواريخ هات كلاش=وحرك لنا جيشك المهلول
بخيتان =
البين جيشه رهيف اهشاش = وجيش الجفا عالمه مجهول
بمسايس الوضع دون هواش = وتذوبه داخل المحلول
حتى التعب مايروح ابلاش = والحرب في وضعكم مايطول
وتشربه لو بغيت كراش = وما يضر لو جبت له معمول