على النبي قوم الدعاره والاحقاد=استحدثو غاره تمهزي قديمه
المشكله في شرهم كل مزداد=يزداد موت احساسنا والعزيمه
واقع وملموس وطبيعي ومعتاد=لاثار شر الخصم ذله خصيمه
اربع عوام وكل عام به تعاد=بشع الصور والحقد ينفث حميمه
اربع عوام تحتمي ساحه الماد=ولبطشهم مافيه وقفه حسيمه
اسيوفنا بغلافهن تغمد اغماد=وتبرره فكر العقول العقيمه
مافيه عز من المذله بينقاد=ولافيه نصر ينخلق من هزيمه
هذا الوكاد وتلحقه كل الاوكاد=ماناش للحين الدنيمرك ضيمه
اللي مضى منا مثل حقد الاولاد=لاصك غيمه شتت الوقت غيمه
ولاعواطف بنت ملهوده الهاد=يبر الزعل شوف الغريم لغريمه
الواجب انا ناقف بكل مرصاد=وكلن يثبت محزمه في بريمه
لاكن التهاون بان مرفوق بسناد=وعروقنا منها الحميه عديمه
لو اضعف الايمان وسيوفها احداد=مقاطعه قوم الخزا والضليمه
تنسل قدم القوم مع صبر وجلاد =ماطالت قرون النفوس الذميمه
يالله عسي في سوقهم كل وراد=يجتاحه حالته الفقر والحريمه
وماكولهم لسم يصطاد يصطاد=للي على نفسه محلل لهيمه
لنه رضا ولسيد الخلق جحاد=جريمه ياكبرها من جريمه
هذا النبي المصطفي خير من ساد=فضايله للحين فينا مقيمه
مال للفضاله حي محصي و عداد=اللي شلع سد الضلام وعتيمه
لابد ماتنعاد تنعاد تنعاد=نضره على ساس القضيه سليمه
وشفح النفوس تحد للصبر بجهاد=وتعالج ثلوم القلوب السقيمه
لابد مانصمد على ماقف جاد=يحد العدو ويذب منه الخريمه
ماقف مقاطع مابه سيوف وعتاد=جدي يهز الاقتصاد بصميمه
والله لراس الشرليصفد اصفاد=وتكسر قرون النفوس الذميمه
وقولو لمن زاد الدنيمرك له زاد =تراه والله مرتكبه جريمه