حقيقه مؤلمه نعيشها خصوصا احنا الخليجين نشوف الهوايل بالاعراس
اللبس حدث ولا حرج يتفاوت بالعري واللي محتشمه لابسه كت وشال
والقليل جدا جدا
اواللي مغطيه ايدينها بتول
بعروسنا نبالغ جدا خصوصا بعايلتنا ثياب عند افخم المصممين تبتدي من 700 وطالع وصلنا للالف
بثوب نلبسه يوم واحد بس مانكرر من غير طبعا الاكسسوار وساعات الالماس وغيره والميك اب
والصبغات العجيبه الغريبه والله تبذير حتى ملوك اوربا مالبسوا نفسنا ولاتعروا مثلنا استغفر الله
المعاريس اثنين والمجنن الفين وصارالكل يحضر مناسباتنا يشوف شنو اخر الموضه واللبس عندنا
والتقيدم لايعلى عليه من افخر الاماكن واغلاها والصاله والكوشه فخمه تصميم جديد اول استخدام
يكون لنا مومكرر طبعا
الله يغفر لنا ويرحمنا ويسترنا فوق الارض وتحت الارض
وانا عن نفسي مليت و الله خليت حضوري فقط للمناسبات القريبه جداجدا
وطبعا موبس احنا جذي الكثير من العايلات نفس الوضع
وبخصوص المطاوعه ونظرتهم مو الكل جذي
يختلفون وكل واحد ونظرته
وهم الناس يختلفون بنظرتهم للمطاوعه في اللي يحبهم وفي لا
وبالنسبه للكنديه كلمة “ليزبيان” lesbian تعني البنت الشاذة.
انا ما الومها تشوفنا مستترات بستار الدين
وتنصدم لما تشوف شنو تحت هالستار وشافت البنات بهذا
العري واكيد بما انها اجنبيه بتنظر لنا اننا شواذ كله نساء وعري
و رقص شنو بالتوقع اكيد بيطرأ علبالها جذي
شكرا اختي ود الزغيبي
قصه واقعيه نعيشها بمجتمعنا الخليجي