الشعر ديوان العرب عبر الازمان=ولشاعره دور بحلول القضايا
وله عند حكام العرب والعرب شان=يحظى بتقدير الرجال الدهايا
واخير مايكتب بطلقين الايمان=اكبار الاسماء نادرين الحلايا
وان قيل يعني مثل؟ قل مثل سلمان=الحاكم الصارم حميد السجايا
وسلام واسلم واستلم مني الان=مع السلام انبل شعور وتحايا
الشكر الله يوم ردك للاوطان=واشفى ولي العهد رب البرايا
ياروع مثل صلة رحم بين الاخوان=ومروي ضما سود الكبود الضمايا
المدح لو ولفت بك منه ديوان=اينوخن اركاب شعري ونايا
لانك اكبر حجم من مدح الانسان=لوقال له عقله يسوي سوايا
اذا هدفه يضيف لك شئ غلطان=مايدري انه ياوسيع النحايا
اسمك فقط..لاصار للشعر عنوان=يضيف للشاعر وشعره مزايا
لذا اعتبر خوض بهالامر بهتان=وخطا يضاف لمارتكب من خطايا
حاولت في قصيدتي قدر الامكان=تشرح تجاهك ماتكن الخفايا
ماقلتها ياسيدي فيك من شان=املا جيوبي من وراها هدايا
والا انت وايا البخل يامير عدوان=ومن الكرم راحة كفوفك ندايا
اطلبك ياوجه السعد طير حوران=جاهك ولالي غير جاهك نوايا
جاهك اليامنه حصل ياخو سلطان=اكبر عطيه من جزيل العطايا
ومن يعمل الاحسان يجزا بالاحسان=يوم الحساب وكشف سر الحنايا
اطلق سراح اللي قضى العمر ندمان=ولابقاله غير جاهك بقايا
انسان والانسان يغويه شيطان=وابليس له ثلثين الامه ضحايا