بحر الكسره=
سؤال ياشاعر الكسرات=ياصاح نبغى اجاباته
اللي عشق ياخذ الحسرات=والود زود معاناته
ابومبارك اليوبي=
يامرحبا خذ مني وهات=ياشاعر هذي افاداته
فالعشق يامكثر الاهات=والود يصحب ملذاته
بحر الكسره=
اسهوم صابت من النظرات=سقمان من كثر غاراته
العين زادت لها عبرات=والقلب يشكي من اهاته
ابومبارك اليوبي=
هذا النظر مصدر الغارات=والقلب تشقيه زلاته
واليوم تغرق بها الدمعات=اصبر على كل هفواته
بحر الكسره=
ابات ليلي مع الونات=سهران والليل ماباته
يسري خيالي مع الوجنات=يطيب جرحي في لمساته
ابومبارك اليوبي=
ليلك وليلي بعد مامات=والكل يرسل تحياته
الجرح ان حصل اللمسات=غيرك معيّن مذاقاته
بحر الكسره=
الحظ ضاري على النكبات=كل ماليقينا امل شاته
والصبر نشرب منه جرعات=تاكيد ابغى من سواته
ابومبارك اليوبي=
تأكيد مرسول لك بالذات=انكان تبغى الامل ذاته
الصبر لوكنت مخزن قات=يحميك من كل ورطاته
بحر الكسره=
اسأل مجرب على مافات=واليوم يعطي شهاداته
طاب الوفا بانت الوصفات=مادام بانت كشوفاته
ابومبارك اليوبي=
وانا احمدالله على ماجات=منك الوفا عاليه جاته
طبت يابحر فاغلب الجولات=والكل يختم ملفاته