علي عيد البشري=
من بال مشغول مايرتاح = قلقان دايم ولايهدا
سلام مهدا عليه وشاح= مني لخالد على الجهدا
خالد اللهيبي =
مثل الحيا لااستهل وطاح = زايد عن الوصف والحدا
ترحيب مني مسا واصباح = ياهل المعاريف والمبدا
علي عيد البشري =
عسا البقا والعلوم صحاح = ياوافي الطيب والمدا
بعد الوفا ماعتلا وارتاح = القيل من طالعه نبدا؟
خالد اللهيبي =
مادام برق المعاني لاح = باخايله وين ماودا
عجل وهات المثل ياصاح = والقيل له عندنا ندا
علي عيد=
وا قلبي اللي كثير نواح=صابر على الضيم واللهدا
اسقاني الوقت سم ذحاح=وافق معه حظـي الأردا
خالداللهيبي =
خلك معي واكمل المرواح=واسرد لي المسأله سردا
لاتقفل البـاب بالمفتـاح=وتصبح شماته من الاعدا
علي عيد البشري =
همي سكن فالحشا ماراح = كل ما أنتهى بي آسى جدّا
كل مابغينا يجيب ارباح = ماجاب غير الذي ودا
خالد اللهيبي =
في قولكم مالقيت ايضاح = وكيف ارمي الشوح من بعدا
الهم لاهل الهوى ذباح = من سالف الوقت والعهدا