ابـــــــــن وازن =
يا صرح يا مجمع الشعـار = جفني مع العيـن عاتبنـي
اما بعـد ابـدي المعـذار = من وصفي للعين ياجفنـي
بــحــر الـكـســره =
الصرح مبني على مقـدار = الكل مـن جهدهـم يبنـي
اللي زرع يقطـف الاثمـار = محصول من جودها يجنـي
ابـــــــــن وازن =
كيف البحر ينصف البحـار = ما يحوز ما يخلف الظنـي
لو دعوته من اخوك البـار = اللى معه يشتـري صنـي
بــحــر الـكـســره =
انا معـك يارفيـق الـدار = تلقى الوفى والعـزم منـي
اشرح عن الوضع لا تحتار = البحـر بالجـود مستنـي
ابـــــــــن وازن =
اللى معي فالبحر سنجـار = هب الهوى وابتعـد عنـي
وانت البحر تخفي الاسرار = للمشتكي يـا بحـر غنـي
بــحــر الـكـســره =
شلي حصل واخلف التيـار = مـادام بالطيـب متهنـي
ان كان هذاعليكـم صـار = لابـد يوجـد خلـل فنـي
ابـــــــــن وازن =
تبغي الحم اسـأل الجـزار = واعرف منه قيمة الوزنـي
وان كان اعلان عن الاسعار = واجاه مـن يمنـا المعنـي
بــحــر الـكـســره =
الود واقـف علـى معيـار = لاتكـون حاكـم ومتجنـي
مـادام وده لكـم تـذكـار = مابغـاك دبـور وتـزنـي
ابـــــــــن وازن =
فضلوعي قلبي يولـع نـار = لا صـار فالقائمـه ركنـي
كيف المشاعر تصير جدار = ابليز مـن طبكـم عطنـي
بحر الكسره=
انا البحر بالمعاني شـار = لابد مـن عزكـم تقنـي
لايكون صقرك عليكم طار = هذا الامر صار يؤسفنـي
ابن وازن=
الحر ما يتـرك الاحـرار = وما اظن في يوم يهجرني
سوء التفاهم مع الخيـار = منه الزعـل زاد زعلنـي
بحرالكسره =
الجو يمكن عليه غبار = الشوق بالـود مدنـي
بالود باب الهجر ينهار = خلك مع الوصل متعني

الحر هزيم الرعد =
بعد الـذي فالمعانـي دار = جيتك والأعذار تسبقنـي
انت الخوي لو زماني جار = هذي حقيقـة وصدقنـي
لكنهـا حكمـة الأقـدار = ويا ليت تسمع وتعذرنـي
يومين وانـا فإستنفـار = والبـث عيـا يطاوعنـي
ابن وازن =
معذور يا عالي الامقـدار = ومني العذر يـا مقدرنـي
لولا الغالي ما شكيت الجار = اللى من الطيب عطرنـي
انت الخوي فالبحر سنجار = واعرفك ما تخلف الظنـي
وصلي على سيد الاخيـار = القلب فيه الغلـي مبنـي