إن كنت تغليني فأنا حيل مغليك =طيفك معي في كل ركن(ن)رأيتك
وإن كنت تعشقني فأنا هايم(ن)فيك =مجنون في حبك وفي حب بيتك
وصغت القصايد كلها في معاليك =وبعت الأوادم بالريال و شريتك
إسمك على لساني ويازين طاريك =أضحك بدون اشعور لامن طريتك
وإسمك بوسط القلب قد صار توبيك =والعين تتشقـق فرح لا قريتك
ياليتني جوال في وسط أياديك =تخزن به أرقامي وإسمي فديتك
أو ليتني شي(ن) يضمك ويدفيك =من برد هذا الجو وأصبح جاكيتك
وأضمك بصدري عن الناس وأحميك =وأهمس بوسط إذنك أخيرا لقيتك