[table1="width:85%;background-image:url('http://www.m-harb.net/vb/mwaextraedit2/backgrounds/197.gif');background-color:tomato;border:6px groove limegreen;"]
ابشـر بعـزك ياجبـل دخـان=جينـاك فـي قـوه مظلـيـه
ماهمنا الحوثي عميـل ايـران=لـه عندنـا طلقـات نـاريـه
من خاف ذاك اليـوم يشجعـان=حـرام يبـقـى بالسعـوديـه
عدوه فنجـالٍ مـن الرسـلان=عسـاه بمصيـبـه سمـاويـه
دون الوطن والدين يالصبيـان=من مات ربـي يغفـر السيئـه
والحي منـا يدحـر العـدوان=ماعندنـا رحـمـه ومـاويـه
يحرم علينا معاشـر النسـوان=ان كـان مانحمـى الجنوبيـه
وناخذ بثار الرائـد الطاسـان=أن لحفـه وأن فرشـه مـيـه
غنيتهـا فـي ساحـة الميـدان=وأنـا بضلـع الـدود دوريـه
ماهي سوالف من ورى الجدران=وقت الضحـى والا عصيريـه
يـوم المدافـع تذهـل الجبـان=حنـا بـراس الـدود رجليـه
غنابها حربـي فصيـح لسـان=وقت المعـارك ينطـح الهيـه
يشهد لنا ياسر مـن المطـران=يـوم القنابـل جالهـا ضـيـه
ماقول شيـاً ياعـرب ماكـان=قلت الصحيـح ونارنـا حيـه
| [/table1]
[table1="width:85%;background-image:url('http://www.m-harb.net/vb/mwaextraedit2/backgrounds/200.gif');background-color:crimson;border:6px groove limegreen;"]
تقول وتطول انت وجميع زملائك البواسل المرابطين على خط النار والله يرعاكم ويحماكم وترجعون سالمين غانمين ومظفرين بالنصر المبين باذنه تعالى وصح لسانك ياشاعرنا المبدع على هذه الدرر الثمينه وهذه الشامخه كشموخ شاعرها لاهنت وافيه من راس وافي وتقبل مني صادق ودي وتقديري لشخصك العزيز والغالي وتحيه اجلال واعزاز لك ولكل زملائك فرداً فرداً ولكل من يذود عن حياض الوطن والله يحفظكم ويرعاكم | [/table1]