قال تعريف الصداقه قلـت شـده=لا وصلت عنق الزجاجة والمضيق
وجيت لك في موقفٍ مانت بتـوده=وألزمك موقفك في مـا لا تطيـق
ودون حالك حيلتك جيبـك تقـده=يوم ما تذ كر عليك اللـي يويـق
قال كيف وقلـت بيـدٍ مجرهـده=والحياة دروس والعالـم غريـق
قال يعني قلت يعنـي بعـد مـده=لاحتمى صفق الهبوب وجف ريق
من هنا باب ألصداقـه والمـوده=تبتدي وتبيـن وقفـات الصديـق
لا بنيت الطيـب لا ترجـع تهـده=أحتزم واشتـد فالحبـل الوثيـق
الوفا مع طيبٍ مـا يبـاح سـده=مثل سيفٍٍ في يمينك لـه بريـق
إن نصيته في لـزومٍ لـك يسـده=من مقامه تشعر انه لـك شقيـق
لاتخاسـر للكريـم اللـي تمـده=فالمواقف تاجـد الحـر العريـق
والردي لا بوه لابـو جـد جـده=عز نفسك لا يجيلك فـي طريـق
لوتشوفـه واقـفٍ مـر وتعـده=حط دونه شاسع البعـد السحيـق
الئيم أيصير لـك باالحلـق غـده=أيتمرد والكـرم بـه مـأ يليـق
لوضحك لـك بالسعـه لا لاتعـده=لاتقول أليا ضحك لـك ذا رفيـق
وان تعرف فيك وجهن عرف جده=أنتبـه تبديلـه السـر العمـيـق
لين تعرف و يش مزحه ويش جده=وتعرف وش له مكانـه بالفريـق
المثل قـد قـال مايخجلـك بـده=لاتقـول أن المثـل هـذا عتيـق
قبل تبلش بيـن هاتـه بيـن وده=لازم انك تعرفـه عـرفٍ دقيـق
وكان خيـب ضنـك الله لا يـرده=أحتمل غلطتـك يالحـر الطليـق
وقله أن الطيب صعب ولانت قـده=وان طلب لك قرب قله في حريـق
كل ضدٍ بالزمـن موجـود ضـده=ومستحيل المـر يشبـه للرحيـق